Helga Arnardóttir fjölmiðlakona og Bragi Þór Hinriksson leikstjóri eignuðust son 2. janúar. Sonurinn var engin písl heldur 18 merkur. Saman unnu þau þættina Lifum lengur, sem sýndir voru í Sjónvarpi Símans Premium á síðasta ári.
„Þessi dásamlegi drengur og óskabarn kom í heiminn síðastliðinn fimmtudag á þeirri fallegu dagsetningu 🌟02.01.20.🌟 Móðirin átti yndislega þriggja tíma fæðingu með aðstoð ótrúlegrar ljósmóður á fæðingardeild LSH sem gerði þessa upplifun ógleymanlega. Hann var 18 merkur og 56 cm og dafnar vel. Foreldrarnir eru í skýjunum yfir þessum gullmola sem virðist skælbrosandi á myndinni yfir brjóstamjólkinni sem kom loks eftir tveggja daga bið. Þetta lundarfar lýsir honum best ❤️,“ segir Helga á facebooksíðu sinni.
Barnavefurinn óskar þeim hjartanlega til hamingju með drenginn.