Katrín hertogaynja af Cambrigde er sögð vona að börnin hennar þrjú, Georg, Karlotta og Lúðivík, fái að eyða meiri tíma með litla frænda sínum Archie á nýju ári.
Þetta er haft eftir heimildarmanni Us Weekly. Þrátt fyrir að við vitum ekki hversu miklum tíma frændsystkinin eyða saman á bak við luktar dyr hafa þær stundir eflaust verið fáar á árinu sem er að líða.
Foreldrar Archie, Meghan og Harry, fóru með hann í ferðalag til Suður-Afríku í haust. Suttu seinna fóru þau svo til Bandaríkjanna yfir þakkargjörðarhátíðina og jólunum eyddu þau í Kanada. Litla fjölskyldan hefur ekki tekið þátt í helstu hefðum fjölskyldunnar þess vegna.