Hin fjögurra ára Francesca Rausi var heldur betur aðalstjarnan á sýningarpallinum í Möltu síðastliðið haust.
Rausi litla, sem er með Downs-heilkenni, gekk á tískupallinum ásamt fjölda annarra fyrirsæta sem allar eru mörgum árum eldri en hún. Þetta var tískusýningin Fashion Show Unici sem leggur áherslur á að fá einstakar fyrirsætur til að ganga á pallinum.
Þar gekk Rausi litla ásamt hinni 24 ára gömlu Madeleine Stuart sem einnig er með Downs-heilkenni.
Móðir Rausi sagði í viðtali við Metro UK að sú stutta hefði gegnt fyrirsætustörfum frá unga aldri. „Hún elskar það og hún var fyrsta barnið á Möltu sem tók þátt í fyrirsætukeppni og vann í yngsta flokki,“ sagði móðirin stolt.