Guðjón Valur með húðflúr af fjölskyldunni

Íslenska landsliðshetjan Guðjón Valur Sigurðsson er ekki bara handboltahetja heldur einnig mikill fjölskyldumaður. Húðflúr sem Guðjón Valur er með á hægri hendi hefur vakið athygli á Evrópumótinu en húðflúrið sýnir hann og fjölskyldu hans. 

Á húðflúrinu má sjá fimm manna fjölskyldu en Guðjón Valur á þrjú börn með eiginkonu sinni, Guðbjörgu Þóru Þorsteinsdóttur. Er fjölskyldan teiknuð í anda Óla priks. Ein mamma, einn pabbi, tvær dætur sem eru aðeins yngri og svo einn strákur í miðjunni.

„Fjölskylda,“ skrifaði Guðjón Valur þegar hann birti mynd af húðflúrinu síðasta vor á Instagram. Svo virðist sem allir í fjölskyldunni hafi fengið sér eins húðflúr nema sá yngsti. 

• Blogga um frétt