Margrét Gnarr féll í gólfið af sársauka

Margrét Gnarr féll í gólfið af sársauka þegar hún var komin upp á fæðingardeild. Hún eignaðist sitt fyrsta barn á dögunum og deilir nú fæðingasögu sinni í færslu á Instagram.

Hún segir að fyrstu samdrættirnir hafi verið slæmir en ekki svo slæmir en þegar á leið hafi þeir orðið óbærilegir. Þegar á fæðingardeildina var komi féll hún í gólfið af sársauka og bað í kjölfarið um mænurótardeyfingu. 

Frétt af mbl.is

Margrét Gnarr eignaðist son

„Planið mitt var að fá ekki mænurótardeyfingu en ég vildi bara gera allt til að verkirnir myndu hætta. Á meðan ég var að bíða eftir deyfingunni fór ég að kasta upp þegar verstu verkirnir skullu á,“ segir Margrét. 

Þegar hún hafði fengið mænurótardeyfinguna leið henni betur og næstu átta tímarnir gengu vel. Þá fór hjartsláttur litla drengsins að hægjast. Þá hafi þau gert allt sem í þeirra valdi stóð til að koma honum í heiminn sem fyrst. 

„En síðan fór hjartsláttur barnsins míns að hægjast. Á þessum tímapunkti var ég komin með um átta í útvíkkun og þurfti að liggja á hægri hliðinni til að ná honum aftur upp. Það virkaði í smá tíma en þegar ég var nánast komin með tíu í útvíkkun hætti það að virka. Hann þurfti að koma út sem fyrst! Ég fékk lyf til að flýta fyrir útvíkkunarferlinu svo ég gæti byrjað að rembast.“

Að lokum var hann tekinn út með sogklukku. Margrét segir lokin á fæðingunni hafa verið frekar dramatísk en sonur hennar hafi komið lifandi í heiminn. 

• Blogga um frétt