Modern Family-stjarnan Jesse Tyler Ferguson og eiginmaður hans, lögfræðingurinn Justin Mikita, eiga von á barni. Ferguson greindi frá þesus í spjallþætti James Corden í vikunni. Ferguson vildi ekki upplýsa hvort hann vissi kynið en sagði að þetta væri mannvera.
„Þetta er í rauninni eitthvað sem ég hef ekki sagt neinum frá svo ef þið gætuð haldið þessu fyrir ykkur, þið öll, en ég á von á barni í júlí með eiginmanni mínum,“ sagði Ferguson sem er eðlilega mjög spenntur.
Ferguson og Mikita gengu í hjónaband í New York árið 2013. Biðin eftir barninu hefur verið löng en árið 2013 greindi Ferguson frá því að hann og eiginmaður hans gætu ekki beðið eftir að stækka fjölskylduna.