Einstæð og á von á 4. barninu

Raunveruleikastjarnan Kailyn Lowry tilkynnti á samfélagsmiðlum að hún ætti von á sínu fjórða barni. Lowry er 27 ára gömul og einstæð og tilgreindi ekki hver væri faðir barnsins. 

Lowry vakti athygli þegar hún var í raunveruleikaþáttunum 16 and Pregnant, þá 17 ára og ólétt. Hún á þrjá barnsfeður, fyrsta son sinn átti hún með fyrrverandi kærasta sínum Jonathan Rivera, annan soninn átti hún með Jaci Marroquin. Þau voru gift á árunum 2012 til 2016. Yngsti sonur hennar er 2 ára og á hún hann með vini sínum Chris Lopez. 

Lowry hefur sagt frá því í viðtölum að hana langaði í fjórða barnið, helst stelpu. Þá sagðist hún vera opin fyrir því að notast við sæðisgjafa því hún nennti ekki veseni með fjórða barnsföðurinn. Það telja því margir að Lowry hafi einmitt fengið gjafasæði til að búa til fjórða barnið sem hún er nú gengin 16 vikur með.

• Blogga um frétt