Hafa miklar áhyggjur af syninum
Setja bókamerki
Fyrirsætan Cindy Crawford og eiginmaður hennar Rande Gerber eru sögð vera viti sínu fjær af áhyggjum yfir syni sínum, hinum tvítuga Presley.
Presley lét nýlega húðflúra orðið misskilinn á andlit sitt og hefur það valdið miklum áhyggjum hjá foreldrum hans. „Hann hefur verið sendur í eins konar meðferð áður. Presley hefur verið að eyða tíma með hópi fólks sem hefur haft neikvæð áhrif á hann,“ sagði heimildarmaður UsWeekly. Presley var tekinn fyrir ölvunarakstur í Los Angeles í Bandaríkjunum í janúar 2019.
Stuttu eftir að hann sýndi húðflúrið á Instagram sagði hann að honum þætti hann mjög misskilinn og húðflúrið táknaði þá tilfinningu. Hann hefur hlotið nokkra gagnrýni sem hann hefur svarað. „Ef ég héldi að þetta myndi eyðileggja andlit mitt, eða ef ég vildi þetta ekki, hefði ég ekki fengið mér það. Ég held það sé frekar augljóst. Það stendur misskilinn því þannig hefur mér liðið alla mína ævi,“ sagði hann í myndbandi á Twitter.
Skar höfuðleðrið af íslenskri konu
Veiting hvalveiðileyfis ekki brot á EES-samningi
Verðbólgan komin niður í 6%
Handteknir eftir myndatöku í Vesturbæjarlaug
Vona að Orkustofnun veiti ekki virkjunarleyfi
„Okkur miðar í rétta átt“