Íslendingar hafa nýtt samfélagsmiðla til þess að birta myndir af börnum sínum í öskudagsbúningum í dag. Frægir Íslendingar hafa að sjálfsögðu gert slíkt hið sama og eru búningar barnanna fjölbreytilegir.
Áhrifavaldurinn Sólrún Diego greindi frá því að heima hjá henni hefðu allir vaknað veikir. Það kemur ekki í veg fyrir að börn hennar, þau Maísól og Maron, klæðist öskudagsbúningum. Börnin eru klædd sem Viddi úr Leikfangasögu og álfkonan Blíða úr þáttunum um Blíðu og Blæ. Fá þau síðan að slá köttinn úr tunnunni heima hjá sér í ár.
Önnur börn frægra fóru út í daginn í búningum eins og sjá má á myndum hér að neðan.
Leikarinn Jóhannes Haukur Jóhannesson á afmæli í dag. Hann birti þó bara mynd af börnum sínum í búningum. Eitt barna hans var klæddur sem glímukappi af stærri gerðinni og annað sem baráttubarn í anda Gretu Thunberg.
Kokkurinn Hrefna Sætran birti mynd af börnum sínum á leiðinni í skólann í flottum búningum.
Snyrtifræðingurinn Gurrý Jóns á dóttur með einkaþjálfaranum Agli Einarssyni. Dóttir þeirra var klædd í Frozen-búning.
Elín María Björnsdóttir sem stjórnaði meðal annars brúðkaupsþættinum Já á SkáEinum birti myndir af börnum sínum í búningum.
Fagurkerinn Þórunn Högna er þekkt fyrir að hugsa vel út í smáatriði þegar kemur að hönnun. Þórunn Högna hefur greinilega hugsað út í öll smáatriði á öskudagsbúningu dóttur sinnar.
Rithöfundurinn Andri Snær Magnason birti mynd af krökkum gera sig til fyrir öskudaginn og spurði hvað allir þessir kettir væru að gera.
Söng- og leikkonan Ágústa Eva Erlendsdóttir birti myndband af börnum sínum tveimur í gærkvöldi. Voru börnin þá komin í búning. Eitt var í ninja en annað var Bubby byggir.