Útbreiðsla kórónuveirunnar gæti mögulega haft áhrif á fermingar hjá Siðmennt að því er fram kemur í tölvupósti sem sendur var foreldrum fermingarbarna hjá Siðmennt í dag. 

„Á meðan landlæknir leyfir enn almennt skólahald sjáum við ekki ástæðu til þess að fella niður fermingarfræðslutíma að svo stöddu. Gott er að vekja athygli á því að börn virðast vera ólíkleg til að sýkjast og eiga auðvelt með að ráða við veiruna, þannig að þau eru ekki í sérstökum áhættuhópi. Leiðbeinendur hafa fengið tilmæli um viðbrögð varðandi varúðarráðstafanir,“ segir í tölvupóstinum sem foreldrar fengu í dag. 

Eins og staðan er í dag er ekki hægt að segja til um hvort kórónuveiran muni hafa áhrif á fermingarathafnir. 

„Enn sem komið er hefur ekki verið lagt á neitt sérstakt samkomubann, en yfirvöld hafa gefið í skyn að til slíkra takmarkanna gæti komið á einhverjum tímapunkti. Við hjá Siðmennt leggjum áherslu á að við fylgjumst mjög vel með tilkynningum Landlæknis og munum að sjálfsögðu fylgja fyrirmælum frá yfirvöldum.“

Tengdar fréttir

Ferming

Lárus og Sævar stoltir af syni sínum á fermingardaginn

• Hvers vegna er þetta fermingargjöf ársins að mati ELKO?
• Þrjár kynslóðir Íslendinga sem búa í Lúxemborg
• „Við reyndum bara að hafa svolítið gaman af þessu“
• Fermdist ein í sóknarkirkju fjölskyldunnar í Hróarstungu

» Fleiri tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt