Grey's Anatomy-leikkonan Camilla Luddington á von á sínu öðru barni með eiginmanni sínum, leikaranum Matthew Alan. Leikkonan greindi frá óléttunni á Instagram í byrjun vikunnar. Enska leikkonan sem fer með hlutverk Jo Wilson í læknadramanu langlífa segist vera himinlifandi með að stækka fjölskylduna og gefa tveggja ára dóttur sinni systkini.
Luddington segist jafnframt hafa verið lítið á samskiptamiðlum vegna þess hversu þreytt hún hefur verið og óglatt allan daginn. Segist hún meðal annars hafa ælt í tökum. Þrátt fyrir þreytuna og ógleðina segist hún þakklát fyrir að fá að ganga með annað barn.
Luddington eignaðist dótturina Hayden í mars 2017 með kærasta sínum Matthew Alan. Þau trúlofuðu sig árið 2018 og giftu sig í ágúst 2019. Hjónabandið fer greinilega vel af stað miðað við nýjustu fréttir.
View this post on InstagramA post shared by Camilla Luddington (@camillaluddington) on Mar 9, 2020 at 12:29pm PDT