Götur víða um Ítalíu standa auðar vegna útgöngubanns víða um landið. Öllum skólastigum í landinu hefur verið lokað og dunda ítölsk börn sér nú við að teikna fallegar myndir og merkja þær slagorðum á borð við: Þetta verður allt í lagi. Þetta er hluti af heimaverkefni barnanna.
Þau hengja síðan myndirnar upp fyrir utan heimili sín eða líma þær í gluggana. The Guardian fjallar um listaverkin, sem segja meira en mörg orð.
Romania Anardo, blaðamaður í Piossasco, litlum bæ nálægt Tórínó, segir að nú sé komin ákveðin ró yfir bæinn. Þar sem áður ríkti öngþveiti og ótti sé nú von og kærleikur. Fólk fær aðstoð með mat og lyf heim til sín og eins eru sjálfboðaliðar farnir að líta eftir eldra fólki á staðnum.
View this post on InstagramA post shared by The Guardian (@guardian) on Mar 12, 2020 at 10:15am PDT