Börnum á öllum aldri í sóttkví ætti ekki að leiðast ef þau reyna sig við skemmtileg verkefni sem skátarnir bjóða upp á í samkomubanninu. Skátahreyfingin birtir eitt nýtt verkefni á dag en fyrsta verkefnið byrjaði á mánudag þar sem fólk var hvatt til að fara í innilegu í stað útilegu. 

Á vef skáta má finna upplýsingar um verkefnið en þar kemur fram að hægt er að vinna verkefnin heima eða úti í garði á meðan ástandið varir. „Við köllum þetta #STUÐKVÍ, bæði af því að við viljum veita ykkur stuðning okkar, og líka bara af því að það getur alveg verið stuð að takast á við svona aðstæður,“ segir á Skátarnir.is. 

„Stuðkvíin virkar þannig að við setjum eitt verkefni á vefinn á hverjum degi sem hver sem er getur gert heima hjá sér. Þetta getur verið föndur, fræðsla, tilraun, þraut eða bara hvað sem er! Þú getur tekið þátt í henni með því að vinna verkefnið og deila því á samfélagsmiðlum með myllumerkinu #STUÐKVÍ. Þannig getum við fylgst hvert með öðru gera skemmtilega hluti, án þess að þurfa að hittast í raunheimum.“

Fyrsta verkefnið birtist á mánudaginn og var það innilega en ekki útilega. Fólk var hvatt til þess að tjalda inni í herbergi eða inni í stofu. Með verkefnalýsingunni fylgdu leiðbeiningar hvernig mætti föndra innivarðeld. 

Hægt er að fylgjast með verkefninu á samfélagsmiðlum undir myllumerkinu stuðkví. 

Tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt