Rithöfundurinn J.K. Rowling kynnti á dögunum nýjan Harry Potter-vef, Wizardingworld.com. Á vefnum má finna ýmis verkefni og afþreyingu fyrir börn á öllum aldri og miðar að því að stytta börnum og foreldrum stundir á meðan kórónuheimsfaraldurinn geisar.
Rowling er höfundur bókanna um galdrastrákinn Harry Potter og er vefurinn því hannaður út frá galdraheimi Potters.
Hún býður notendum vefsins einnig upp á að hlusta á fyrstu bókina, Harry Potter og viskusteininn, frítt á ensku inni á forritinu Audible. Nauðsynlegt er að skrá sig inn á vefinn þótt allt efni þar sé án endurgjalds.
Parents, teachers and carers working to keep children amused and interested while we’re on lockdown might need a bit of magic, so I’m delighted to launch https://t.co/cPg0dZpexB pic.twitter.com/i0ZjTplVoU
— J.K. Rowling (@jk_rowling) April 1, 2020
Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.