Trevor Engelson, fyrrverandi eiginmaður Meghan hertogaynju á von á sínu fyrsta barni með eiginkonu sinni, Tracey Kurland, í september. Engelson greindi frá gleðitíðindunum á lokuðum Instagram-aðgangi sínum að því fram kemur á vef Hello.
Engelson sem er framleiðandi í Hollywood á von á stúlkubarni og sagði barnið vera það besta sem hann hefði nokkurn tímann framleitt.
Engelson fann hamingjuna aftur á svipuðum tíma og fyrrverandi eiginkona sín. Hann tilkynnti um trúlofun sína og næringarfræðingsins Kurland aðeins tveimur vikum eftir að heimurinn fylgdist með Harry og Meghan ganga í hjónaband. Nú á hann von á erfingja en fyrrverandi eiginkona hans eignaðist Archie í maí í fyrra.
Engelson kynntist Meghan, fyrrverandi eiginkonu sinni, árið 2004. Þau trúlofuðu sig 2010 og giftu sig á Jamaíka árið 2011. Tveimur árum seinna voru þau skilin.