Elísabet Belgíuprinsessa er á leiðinni í konunglegan herskóla í Brussel í haust. Prinsessan verður 19 ára í lok október en hún er elsta barn foreldra sinna, Filippusar kóngs og Matthildar drottningar.
Nokkuð ljóst er að Elísabet sem er erfingi krúnunnar er að búa sig undir drottningarhlutverkið með þessu námsvali. Faðir Elísabetar gekk einnig í skólann á árunum 1978 til 1981 að því er fram kemur á vef People. Í skólanum geta nemendur valið á milli fjögurra námsleiða sem tengjast vörnum landsins. Boðið er upp á herkænsku á landi, sjó og lofti auk náms í heilbrigðisvísindum.
Erfitt er að komast inn en aðeins komast 150 inn ár hvert eftir erfitt inntökupróf. Í inntökuprófinu þurfa nemendur að standast kröfur í stærðfræði, frönsku og hollensku. Nemendur þurfa einnig að standast sálfræðimat og búa yfir góðri líkamlegri færni. Myndir sem belgíska konungsfjölskyldan birti af Elísabetu prinsessu sýndu hana einmitt úti að hlaupa.
View this post on InstagramA post shared by Belgian Royal Palace (@belgianroyalpalace) on May 19, 2020 at 10:02pm PDT
Bientôt prête pour rejoindre l’Ecole Royale Militaire @KMS_ERM_RMA ! A partir du 31 août, avec les camarades de promotion : 1ère année en sciences sociales et militaires. Merci aux enseignants et compagnons de classe pour deux belles années à @UWCAtlantic.@BelgiumDefence pic.twitter.com/mMFDzoQfXM
— Belgian Royal Palace (@MonarchieBe) May 20, 2020