Aðdáandi raunveruleikastjörnunnar Kylie Jenner setti saman gamla mynd af Jenner og dóttur Jenner, hinni tveggja ára gömlu Stormi Webster. Líkindin fara ekki á milli mála og var stjarnan svo sátt að hún deildi myndinni í sögu sinni á Instagram.
Jenner og dóttir hennar Stormi virðast vera á svipuðum aldri á samsettu myndinni og eru báðar í örmum fullorðins einstaklings. Í tilviki Stormi er það móðir hennar sem heldur á henni. Á gömlu myndinni er Jenner með mikið svart hár í bleikum kjól en dóttir hennar er vel greidd í stuttermabol og stuttbuxum á myndinni sem aðdáandinn notaði.
Þetta er ekki fyrsta skipti sem aðdáandinn ber saman myndir af mæðgunum. Virðist Stormi litla hafa fengið munnsvipinn og glettilegt brosið frá móður sinni.
Sjálf hefur Jenner talað um dóttur sína sem tvíbura sinn og litla útgáfu af sér. Er það ekki síst þegar þær klæðast í eins fötum. Jenner er dugleg að birta myndir af dóttur sinni á samfélagsmiðlum og stundum er þær alveg eins klæddar.