Leikkonan Kate Bosworth segir að sér hafi liðið eins og krakka þegar hún var stjúpmóðir 28 ára gömul. Bosworth giftist eiginmanni sínum, Michael Polish, árið 2011 en fyrir átti hann dótturina Jasper.
Bosworth birti mynd af sér og Jasper á Instagram í vikunni. „Árið sem ég varð stjúpmóðir. Þetta er líka árið sem ég lærði að elda. Mér fannst eldamennska mjög stór áskorun lengi vel. Það var svo fullorðins (28 ára gamalli leið mér enn eins og krakka). En þegar ég kynntist Jasper vissi ég að ég þyrfti að fullorðnast fyrir hana. Af öllu því sem ég hef gert í lífinu, þá er það langtum best að verða stjúpmóðir uppáhaldsmanneskjunnar minnar í heiminum,“ skrifaði Bosworth.
Bosworth hefur sagt í viðtölum að hún tengi mjög vel við stjúpdóttur sína. „Ég átti aldrei eldri systur eða bróður, og hún er einbirni, þannig að mér líður eins og við skiljum hvor aðra á sérstakan hátt,“ sagði Bosworth.
View this post on InstagramA post shared by Kate Bosworth (@katebosworth) on May 28, 2020 at 9:25am PDT