Melania Trump gagnrýnir harðlega sjónvarpsþáttamanninn John Henson fyrir að hafa tíst að hann vonaðist til þess að sonur Trump-hjónanna, Barron, fái að verja feðradeginum með hverjum þeim sem ku vera faðir hans.
Talsmaður Melaniu Trump sá ástæðu til þess að bregðast við þessum ummælum enda er Trump mikið í mun að vernda einkalíf barns síns.
„Því miður höldum við áfram að sjá óviðeigandi og særandi athugasemdir um son forsetans. Börn undir lögaldri eiga að fá að vaxa úr grasi í friði frá dómhörku og hatri ókunnugra sem og fjölmiðla.“
John Henson er þekktur grínisti og kemur reglulega fram í þáttum á borð við E!´s Talk Soup, Wipeout auk þess sem hann er þáttastjórnandi á Food Network. Hann er afar virkur á Twitter og tekur fólk reglulega fyrir og gerir grín að því.
Þetta er ekki í fyrsta sinn sem Melania Trump gagnrýnir fólk fyrir að blanda syni sínum í umræðuna. Í desember síðastliðnum sagði Pamela Karlan lagaprófessor brandara um Trump í yfirheyrslum um embættisbrot Trumps. Þar sagði hún að í stjórnarskránni væru engir aðalstitlar, þótt Trump gæti nefnt son sinn Barron, þá gæti hann ekki gert hann að baróni.
Melania Trump tísti þá á Twitter að Karlan mætti skammast sín fyrir að nota barn fyrir sinn eigin bjagaða málstað.