Kimberly Van Der Beek, eiginkona leikarans James Van Der Beek, þurfti að fá blóðgjöf eftir síðasta fósturmissi. Kimberly missti fóstur á dögunum, en það er í annað skipti sem hún missir fóstur á aðeins sjö mánuðum.
Fósturlátin hafa tekið mikið á líkama Kimberly og hefur hún í bæði skiptin þurft að leggjast inn. „Að fá tvisvar sinnum blóðgjöf á sjö mánuðum hefur verið erfitt fyrir líkama minn,“ sagði Kimberly í myndbandi.
Kimberly sagðist finna mest til í höfðinu við blóðgjöfina en verkurinn lýsti sér ekki eins og venjulegur höfuðverkur. Hún sagðist líka finna fyrir sýkingu í lungunum, þó ekki af völdum kórónuveirunnar.
Van Der Beek-hjónin eiga fimm börn fyrir en hafa reynt á síðustu árum að bæta því sjötta við. Það hefur gengið illa en Kimberly hefur misst fóstur fimm sinnum. Nú síðast missti hún fóstrið á 17. viku og tók það mikið á fjölskylduna.
View this post on InstagramA post shared by Kimberly Van Der Beek (@vanderkimberly) on Jun 24, 2020 at 9:39pm PDT