Sonur Amber og John Easterday kom í heiminn við ansi sérstakar aðstæður á laugardaginn síðastliðinn þegar hann dreif sig í heiminn viku fyrir tímann.
Easterday hjónin voru að halda upp á þjóðhátíðardag Bandaríkjanna, 4. júlí, og voru í siglingu um Old Tampa Bay fyrir utan Flórída í Bandaríkjunum. Þau höfðu verið úti á bátnum í um 30 mínútur þegar Amber byrjaði að finna fyrir hríðunum.
Þau áttuðu sig á því að þau þyrftu að komast með hraði í land en veðrið var ekki að vinna með þeim því stuttlega áður kom rigningarstormur yfir flóann.
John hringdi í neyðarlínuna rétt eftir klukkan 5 þennan dag og barst þeim aðstoð klukkan hálf 6. Tveir bráðaliðar hoppuð um borð í bátinn og um fjórum mínútum seinna kom litli drengurinn í heiminn. Hann hefur fengið nafnið Aiden.
Þegar komið var í land var fjölskyldan flutt á næsta sjúkrahús. Öllum heilsast vel og hefur litla fjölskyldan heimsótt bráðaliðana sem tóku á móti Aiden litla.
This morning, Aiden Easterday got to meet the two fire medics who brought him into this world on the Fourth of July...
Posted by Clearwater Fire & Rescue Department on Wednesday, 8 July 2020