Kourtney Kardashian segir það hafa verið mjög erfitt að finna jafnvægi á milli einkalífs og þess að vera í raunveruleikaþáttum. Þetta kemur fram í viðtali við Kardashian í nýjasta Vogue Arabia. Kourtney hætti þátttöku í þáttunum Keeping up with the Kardashians til þess að einbeita sér að börnum sínum.
„Fólk hélt að ég vildi ekki vinna en það er ekki rétt. Ég er að elta hamingjuna og set orku mína í það sem gerir mig hamingjusama.“ En í fyrra opnaði hún lífsstíls vefritið Poosh.
Kourtney Kardashian segist vera mjög meðvituð um skjátíma barna sinna og eiga þau ekki síma. „Ég reyni alltaf að gera mitt besta þegar kemur að börnunum mínum. Ég passa mig að vera ekki í símanum og er til staðar eins mikið og ég get. Að við höfum þessar stundir saman þar sem við horfumst í augu og náum sambandi við hvort annað,“ segir Kardashian sem á þrjú börn sem eru tíu, átta og fimm ára.
„Þá hef ég fyrir reglu að hafa einn dag í viku þar sem ekkert er skipulagt. Við erum saman heima í náttfötunum. Sofum út og ekkert planað þann dag,“ segir Kardashian.
View this post on InstagramA post shared by Vogue Arabia (@voguearabia) on Jul 7, 2020 at 6:11am PDT