Ertu nokkuð að rífast um húsverkin?

Það getur verið áskorun að vera með lítil börn og að sinna húsverkunum þannig að sómi sé að því. Margir foreldrar festast í gremju og rifrildi þegar kemur að húsverkunum. Möguleg lausn á þessum vanda er að setja upp dagatal þar sem fólk merkir inn hvaða húsverk það gerir hverju sinni. 

Til að fá yfirsýn yfir hvort annar aðilinn sé að taka að sér óþarflega mikið af húsverkum er gott að foreldrar, unglingar og börnin jafnvel velji sér sinn lit á pennum og merki inn hvað gert er hverju sinni. 

Þannig myndast meiri yfirsýn yfir verkefnin og hlutirnir falla síður á einungis einn aðila. 

Að auki er mælt með að hafa svipað dagatal þegar kemur að matvörum sem þarf að kaupa inn vikulega. Ef vantar mjólk í ísskápinn sem dæmi má alltaf skrifa það á innkaupalistann. Eðlilegast þykir svo að fjölskyldan skiptist á að fara í búðina og allir taki þátt. Þannig eru börn og unglingar sem búa heima, meira meðvituð um hvað þýðir að halda heimili og það má alltaf taka þau með í búðina að kenna þeim að kaupa inn líka. 

Börn öðlast sjálfsöryggi við það að kunna að þrífa og hugsa um sig. mbl.is/Colourbox

• Blogga um frétt