Alexandra Helga Ívarsdóttir, kokkur og eiginkona knattspyrnumannsins Gylfa Þórs Sigurðsonar, hélt stórkostlegt steypiboð fyrir vinkonu sína Móeiði Lárusdóttur í vikunni. Undir venjulegum kringumstæðum eru konur enn ólétt í slíkum boðum en að þessu sinni var dóttir Móeiðar og knattspyrnumannsins Harðar Björgvins Magnúsonar stödd í boðinu.
Dóttir þeirra Móeiðar og Harðar kom í heiminn í lok apríl, nokkrum vikum fyrir settan dag og gera má ráð fyrir að ekki hafi verið hægt að halda almennilegt boð áður en sú stutta kom í heiminn. Einnig er líklegt að kórónuveirufaraldurinn hafi sett strik í reikninginn. Sömuleiðis býr skipuleggjandinn Alexandra Helga á Englandi ásamt eiginmanni sínum. Hún er nú stödd á Íslandi og gat loks fagnað með vinkonu sinni.
Eins og í alvöru steypiboðum opnaði móðirin pakka með vinkonum sínum. Skreytingarnar voru gæsilegar og var bleiki liturinn áberandi. Var meðal annars skreytt með blöðrum og boðið upp á glæsilega köku, makkarónur og súkkulaðihúpuð jarðaber.