Leikkonan Þuríður Blær Jóhannsdóttir og leikarinn Guðmundur Felixsson hafa gefið syni sínum nafnið Arnaldur Snær Guðmundsson.
Nafnagjöfin fór fram í blíðskapaveðri heima hjá öfunum Felix og Baldri á Túnsbergi í gær og það geislaði af nýbökuðu foreldrunum. Þuríður klæddist fallegum gulum og hvítum sumarkjól en Guðmundur, Felix og Baldur voru flottir með þverslaufur. Veislan var hin glæsilegasta og Salka Sól Eyfeld tók lagið.
Barnavefurinn óskar fjölskyldunni hjartanlega til hamingju með fallegt nafn.