Helgi Björns flutti einstaklega fallegt lag sem hann samdi fyrir fyrsta barnabarnið sitt. Lagið flutti hann í beinni útsendingu í Sjónvarpi Símans um verslunarmannahelgina.
„Við ætlum að flytja fallegt, rólegt lag sem ég skrifaði fyrir fyrsta barnabarnið,“ sagði Helgi Björns en lagið heitir Ljósið vaknar.
Hér er textinn fyrir Ljósið vaknar:
Ljósið vekur þig
kitlar nefbroddinn
farðu að vakna, anginn minn
dagurinn bíður, engillinn, úhhh
Tegir þig til mín
úr lágri vöggunni
sjá þessa fingur, vina mín
þeir vilja benda, á afa sinn
Ég hef lofað að vernda þig gegn
myrkri og martröðum,
við þótt birti af degi
þá kemur alltaf nótt á ný.
Og þó að vængirnir beri þig hærra en hæstu
skýin á himninum
viltu passa þig vina það
gustar oft í loftun.
Veröldin er ný
og morgunskíman hlý
hvað viltu gera, anginn minn
dagurinn bíður, ylfingur
Ég hef lofað að vernda þig gegn
myrkri og martröðum,
við þótt birti af degi
þá kemur alltaf nótt á ný.
Og þó að vængirnir beri þig hærra en hæstu
skýin á himin um,
viltu passa þig vina það
gustar oft í loftunum.