Norski prinsinn Sverrir Magnús fermdist á laugardaginn. Sverrir Magnús er yngsta barn Hákons krónprins og Mette-Marit og þriðji í erfðaröðinni að norsku krúnunni. Prinsinn fékk meðal annars gjafir frá opinberum aðilum í Noregi. 

Sverrir Magnús fermdist í Askerkirkju í Noregi ásamt níu öðrum. Í ljósi aðstæðna fermdust unglingarnir í smærri hópum en vanalega. Hvert fermingarbarn mátti bjóða 16 gestum í athöfnina. Eftir athöfnina fagnaði fjölskyldan á heimili sínu í Skaugum í Asker sem er rétt fyrir utan Ósló. 

Sverrir Magnús verður 15 ára í lok árs. AFP

Sverrir Magnús fékk gjafir þegar hann gekk í fullorðinna manna tölu líkt og aðrir unglingar. Hann fékk meðal annars gjafir frá opinberum aðilum í Noregi. Frá norska Stórþinginu fékk Sverrir Magnús kanó, árar og vesti. Hann fékk listaverk eftir Morten Andenæs frá ríkisstjórninni og listaverk eftir Magne Furuholmen frá sveitarfélaginu Asker. Hæstiréttur gaf prinsinum brimbretti og bók um hæstarétt. Frá norsku kirkjunni fékk hann biblíuna sem var endurþýdd árið 2011. Frá öllum sveitarstjórum í Noregi fékk prinsinn svefnpoka og útilegudýnu. Óslóarborg gaf honum ævisögu málarans Edvards Munchs eftir Steffen Kverneland.

Frétt af mbl.is

Prinsinn „dabbaði“ í 80 ára afmælinu

Sverrir Magnús fæddist í desember árið 2005 og er þriðji í erfðaröðinni á eftir föður sínum, Hákoni krónprins, og systur sinni, Ingiríði Alexöndru. 

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

Ferming

Lárus og Sævar stoltir af syni sínum á fermingardaginn

• Hvers vegna er þetta fermingargjöf ársins að mati ELKO?
• Þrjár kynslóðir Íslendinga sem búa í Lúxemborg
• „Við reyndum bara að hafa svolítið gaman af þessu“
• Fermdist ein í sóknarkirkju fjölskyldunnar í Hróarstungu

» Fleiri tengdar fréttir

• Blogga um frétt