Ferdinand-hjónin upplýsa um kynið

Fótboltakappinn Rio Ferdinand og kona hans Kate eiga von á sínu fyrsta barni saman en þau giftu sig fyrir ári. Þau héldu á dögunum veglega kynjaveislu þar sem kom í ljós að þau ættu von á strák og bláum pappírshjörtum rigndi yfir gestina.

Fyrir á Rio Ferdinand þrjú börn sem eru á aldrinum 9 til 14 ára og heita Tia, Tate og Lorenz. Kate Ferdinand hefur verið mjög opinská á samfélagsmiðlum og deilt með fylgjendum sínum upplifun sinni á meðgöngunni. Hún hefur viðurkennt að vera með mikið samviskubit yfir að hafa ekki getað ekki sinnt stjúpbörnunum nógu vel meðan hún glímdi við þreytu og aðra meðgöngukvilla.

• Blogga um frétt