Khloé Kardashian hefur gefið óléttuorðrómi byr undir báða vængi með nýjustu myndbirtingu sinni á Instagram. Þar sést hún njóta sólarlags, dreymin á svip í víðri mussu. Fylgjendur raunveruleikastjörnurnar eru sannfærðir um að hún sé ólétt og óska henni til hamingju í athugasemdakerfinu.
Kardashian er nýtekin saman við fyrrverandi kærasta sinn og barnsföður Tristan Thompson. Hún hefur aldrei farið leynt með áhuga sinn á að eignast fleiri börn en tíminn verður að leiða í ljós hvort eitthvað sé til í getgátum aðdáenda Kardashian.