Bandaríska raunveruleikaþáttastjarnan Mina Starsiak Hawk eignaðist sitt annað barn á dögunum með eiginmanni sínum. Starsiak Hawk sýnir ekki bara glansmynd á samfélagsmiðlum eins og margir áhrifavaldar og birti myndir af sér í bleyju nokkrum dögum eftir fæðingu.
Starsiak birti myndir af sér á Instagram sem hún sagði vera teknar sex dögum eftir fæðingu en hún fór í keisaraskurð. Á fyrstu myndinni var hún búin að stilla sér upp og draga inn magann en hinar myndirnar voru nær raunveruleikanum.
„Þú verður að vera í bleyju eftir fæðingu af því að ýmislegt kemur bara út. Það þýðir ekkert að draga úr hlutunum eftir fæðingu,“ skrifaði stjarnan. „Svo næst þegar þú óskar þess að þú litir svona út, klæddir þig hinsegin eða værir með ALLT á hreinu eins og svo margir áhrifavaldar sem við fylgjum, mundu bara... þú færð bara að sjá það sem þau vilja að þú sjáir en oftast ekki alla söguna. “
View this post on InstagramA post shared by Mina Starsiak Hawk (@mina_starsiak_hawk) on Sep 21, 2020 at 11:37am PDT