Vöðvatröllið Arnold Schwarzenegger er löngu hættur að fela launson sinn. Sonurinn, Joseph Beana, varð 23 ára á dögunum og fær hann opinberar hamingjuóskir frá föður sínum eins og hálfsystkini hans.
„Ég elska að sjá þig taka framförum á æfingum, í vinnu og vera hluti af lífi þínu. Get ekki beðið eftir að sjá hvað kemur næst. Ég elska þig,“ skrifaði Schwarzenegger sem óskaði syni sínum jafnframt til hamingju með afmælið.
Tortímandinn hefur ekki alltaf verið eins opinn með líf sonar síns. Þegar Baena var á 14. ári kom í ljós að móðir hans, húshjálpin Mildred Baena, hefði eignast hann með vinnuveitanda sínum, leikaranum og síðar ríkisstjóranum Arnold Schwarzenegger. Schwarzenegger eignaðist son nokkrum dögum áður en Baena kom í heiminn með eiginkonu sinni, Mariu Shriver, sem skildi við eiginmann sinn þegar framhjáhaldið kom í ljós.
Feðgarnir virðast ná vel saman og eiga sameiginlegt áhugamál, líkamsræktina.
View this post on InstagramA post shared by Arnold Schwarzenegger (@schwarzenegger) on Oct 2, 2020 at 2:12pm PDT
Sonurinn Christopher Schwarzenegger fékk svipaða afmæliskveðju þegar hann átti 23 ára afmæli nokkrum dögum áður.
View this post on InstagramA post shared by Arnold Schwarzenegger (@schwarzenegger) on Sep 27, 2020 at 8:24am PDT