Sigmundur Davíð hrósar Bjarna fyrir hestaþema

Sigmundur Davíð Gunnlaugsson og Bjarni Benediktsson.
Sigmundur Davíð Gunnlaugsson og Bjarni Benediktsson. mbl.is/Eggert Jóhannesson

Bjarni Benediktsson skreytti hestaköku fyrir afmæli dóttur sinnar í ár. Sigmundur Davíð Gunnlaugsson formaður Miðflokksins var fljótur að túlka þemað í ár á sinn hátt. 

„Mjög flott kaka hjá Bjarna í ár. Alla vega þemað,“ skrifaði Sigmundur Davíð á Facebook. Svo vill til að hestur er einmitt í merki Miðflokksins og er Sigmundur Davíð líklega að benda á þá tengingu.

Líklega var þó ekki miðflokksþema í barnaafmælinu en spurning hvort Sigmundur Davið svari og skreyti köku með fálkaþema í afmæli dóttur sinnar sem er einmitt á svipuðum aldri og yngsta barn Bjarna.


 

mbl.is
Fleira áhugavert
Fleira áhugavert