Elskar líkama sinn meira eftir óvænta heimafæðingu

Líkamsræktarþjálfarinn Emily Skye segist kunna enn betur að meta líkama sinn eftir að hún fæddi barn sitt óvænt heima í stofu í sumar. Fæðingu barnsins bar brátt að og fæddi hún barnið ein og óstudd heima í stofunni sinni. 

Frétt af mbl.is

Fæddi óvænt heima í stofu

„Ég gerði þetta allt heima, alveg sjálf. Ég gerði þetta. Líkami minn gerði þetta. Líkami minn ýtti barninu sjálfur út, mér finnst það svo magnað. Ég sagði við sjálfa mig: ef mér líkar einhvern tímann ekki við líkama minn þarf ég að muna eftir þessu andartaki og muna hvað hann gerði,“ sagði Skye. 

Skye opnaði sig um fæðinguna í viðtali við People á dögunum en sonur hennar, Izaac, fæddist tveimur vikum fyrir tímann. Hún segir að hún hafi haft einhverja undarlega tilfinningu í kroppnum kvöldið áður en ekki hugsað mikið um það. 

Hún fann fyrir samdráttum um nóttina en segir þá hafa meira líkst tíðakrömpum en hríðum. Um morguninn tók hún æfingu heima í stofu og lék svo við dóttur sína. Þar sem hún var með dóttur sína á bakinu í hestaleik fann hún að hún var að fara af stað í fæðingu.

Eiginmaður hennar hringdi á sjúkrabíl og kom hann þegar litli drengurinn var rúmlega hálfur kominn í heiminn. Hún fæddi hann svo með aðstoð bráðaliðanna og var svo flutt á sjúkrahúsið. 

• Blogga um frétt