Katherine Schwarzenegger, rithöfundur og dóttir Arnolds Schwarzeneggers, eignaðist sitt fyrsta barn með leikaranum Chris Pratt í ágúst. Bróðir hennar, leikarinn Patrick Schwarzenegger, sagði fyrstu mánuðina í móðurhlutverkinu hafa verið erfiða fyrir systur sína.
„Það hefur verið mjög erfitt út af Covid. Chris hefur verið í tökum á nýju Júragarðsmyndinni í Lundúnum svo þetta hefur verið frekar erfitt fyrir Katherine,“ sagði Patrick Schwarzenegger í viðtali við bandaríska sjónvarpsþáttinn Today að því er fram kemur á vef E!.
Patrick Schwarzenegger, systkini og móðir þeirra Maria Schriver fara í reglulega í próf áður en þau hitta Lylu litlu Mariu Schwarzenegger Pratt. Hann hittir litlu frænku því oft en er enn að venjast þeirri hugmynd að systir hans eigi barn.