Leikkonan Gwyneth Paltrow segir að unglingssonur hennar Moses hafi átt erfitt með að laga sig að heimsfaraldrinum. Dóttir hennar, Apple, átti mun auðveldara með að átta sig á breyttum heimi. 

„Sonur minn hefði átt að byrja í framhaldsskólanum í september. Ég held það sé mjög erfitt félagslega. Ég held það sé mjög erfitt að vera 14 ára, og það er erfiðast fyrir þau sem eru á mikilvægasta þroskaskeiðinu, ég tók eftir því,“ sagði Paltrow í viðtali við Jimmy Kimmel á dögunum. 

Hún þakkaði þó fyrir að hann hefði mikinn áhuga á hjólabrettum, áhugamál sem hann getur sinnt sjálfur. „Hann getur gert mikið einn, æft sig úti og unnið í færni sinni og þannig. Mér finnst samt mjög merkilegt hversu fljót börn eru að aðlaga sig þessu,“ sagði Paltrow.

Dóttur hennar Apple, sem er 16 ára, leið mun betur í vor þegar allt breyttist. „Hún veit betur hver hún er og hún á fleiri vini,“ sagði Paltrow.

Tengdar fréttir

Frægar fjölskyldur

Ragga Hólm og Elma eiga von á barni

• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn
• „Getum ekki beðið eftir þér lengur“

» Fleiri tengdar fréttir

• Blogga um frétt