Barnastjarna vill klippa Trump úr Home Alone 2
Setja bókamerki
Barnastjarnan fyrrverandi Macaulay Culkin styður þá hugmynd að klippa Donald Trump forseta Bandaríkjanna úr fjölskyldumyndinni Home Alone 2 en Culkin fór með aðalhlutverkið. Ýmsar hugmyndir hafa birst á Twitter og virðist Culkin meðal annars til í að koma fram í myndinni í stað Trumps.
Culkin skrifaði athugasemdir við tvær færslur þar sem hugmynd um að fjarlægja Trump úr myndinni voru viðraðar. „Bravó,“ skrifaði barnastjarnan um brot sem twitternotandi birti þar sem Trump hafði verið klipptur úr myndinni. „Selt,“ skrifaði Culkin líka við undirskriftalista á twitter þar sem þess var krafist að myndbrot af fertugum Culkin væri notað í stað myndbrotsins með Trump.
Chris Columbus, leikstjóri kvikmyndarinnar Home Alone 2: Lost in New York, sagði í vetur að upphaflega hefði Donald Trump Bandaríkjaforseti, þá viðskiptamaður, ekki átt að vera í kvikmyndinni. Hann hefði hins vegar troðið sér inn í hana gegn því að hótel hans yrði notað.
Trump var klipptur út úr útgáfu af myndinni sem sýnd var í ríkissjónvarpi Kanada árið 2019. Talsmaður CBC sagði að breytingarnar hefðu átt sér stað árið 2014, nokkru áður en Trump hóf afskipti af stjórnmálum, og gert til þess að búa til auglýsingapláss.
Gefur ekkert upp um leyfi til hvalveiða
Að minnsta kosti vika í nýtt gos
Myndskeið: Segjast hafa skotið niður sprengjuflugvél
Unnu að fullum heillindum að kaupum á TM
Spursmál: Fyrsta stóra viðtal Katrínar
Hæstiréttur staðfestir vanhæfi alls Landsréttar
Aðkoman í gripahúsið mjög slæm