Óvenjulegar uppeldisaðferðir stjarnanna
Setja bókamerki
Frægt fólk velur ekki bara óvenjuleg nöfn á börn sín heldur fylgir það oft óvenjulegum uppeldisaðferðum.
Mila Kunis og Ashton Kutcher
Þessi leikarahjón hafa forðast að gefa börnum sínum jólagjafir. Þau vilja að hátíðarnar snúist um fjölskylduna og samveru frekar en efnislega hluti.
Kourtney Kardashian
Kourtney Kardashian leggur mikið upp úr tengslamyndun og sefur með börnunum þar til þau upplifa sig nógu örugg til þess að sofa ein. Þetta er talið hafa valdið streitu í sambandi hennar við Scott Disick þar sem þau áttu lítinn tíma út af fyrir sig.
Jada Pinkett Smith
Jada Pinkett Smith telur mikilvægt að börn búi til sínar eigin reglur. Hún trúir ekki á refsingar og ef þau gera eitthvað rangt fá börnin að velja hvernig þau bæta upp fyrir það.
Angelina Jolie
Angelina Jolie leggur áherslu á óformlega menntun barna sinna. Brad Pitt var sagður vilja hefðbundnara uppeldi og að sá ágreiningur hefði skapað mikla spennu í sambandi þeirra.
Gwyneth Paltrow
Gwyneth Paltrow hefur aldrei fetað troðnar slóðir. Hún lagði áherslu á að börn sín borðuðu alltaf það sama og hún og var aldrei með svokallaðan „barnamatseðil“. Það þykir kannski ekki óeðlilegt nema fyrir þær sakir að mataræði Paltrow þykir mjög öfgakennt í hollustunni. Þá máttu börn hennar Apple og Moses ekki horfa á sjónvarp nema það væri á öðru tungumáli. Þannig vildi hún virkja tungumálafærni þeirra.
Madonna
Madonna er litríkur karakter en í uppeldi barna sinna er hún sögð mjög ströng. Þau mega ekki horfa á sjónvarp eða lesa dagblöð. Ef þau skilja eftir föt á gólfinu eru þau föt gerð upptæk í refsingarskyni.
Veiting hvalveiðileyfis ekki brot á EES-samningi
Tóku upp hanskann fyrir leikskólabörn
Vona að Orkustofnun veiti ekki virkjunarleyfi
Handteknir eftir myndatöku í Vesturbæjarlaug
Hernaðaraðstoð samþykkt – Vopnasendingar í vikunni
Æskuvinur Íslendings myrtur í Noregi
Árshátíð ríkislögreglustjóra haldin í Tékklandi
„Hvílir mikil leynd yfir þessu öllu“