Staðfesta fæðingu sonarins og opinbera nafnið

Stjörnuparið Justin Timberlake og Jessica Biel hefur staðfest fæðingu sonar síns. Fjölmiðlar greindu frá því síðastliðið sumar að sonur þeirra væri kominn í heiminn en þau staðfestu fréttirnar aldrei. 

Timberlake greindi nú frá því í viðtali við Ellen DeGeneres að sonurinn væri kominn og að hann væri kominn með nafn. Litli drengurinn fékk nafnið Phineas. Fyrir eiga þau Timberlake og Biel soninn Silas sem kom í heiminn árið 2015. 

„Hann er magnaður og svo sætur. Enginn sefur, en við erum í skýjunum og gætum ekki verið hamingjusamari. Mjög þakklát,“ sagði Timberlake. 

Timberlake og Biel tókst að halda meðgöngunni úr sviðsljósinu og því kom það mörgum á óvart þegar fjölmiðlar greindu frá fæðingu drengsins litla.

Frétt af mbl.is

Biel og Timberlake eignuðust son í leyni

• Blogga um frétt