Hunter Biden, sonur Joes Bidens Bandaríkjaforseta, nefndi yngsta son sinn Beau eftir bróður sínum Beau sem lést úr krabbameini í heila árið 2015.
Soninn eignaðist Hunter með eiginkonu sinni Melissu Cohen í fyrra og er hann fyrsta barn þeirra saman. Hann er hins vegar fimmta barn föður síns en hann eignaðist þrjár dætur með fyrstu eiginkonu sinni, Kathleen Biden. Hann á eitt barn utan hjónabands en barðist lengi gegn því að barnið væri hans. Að lokum kom í ljós að hann var faðir barnsins og hafa þau náð sátt um meðlagsgreiðslurnar.
Hunter hafði ekki gert nafn yngsta sonar síns opinbert fyrr en á innsetningarathöfninni í gær en þegar blaðamenn fengu lista yfir nöfn þeirra sem myndu fljúga um borð í sömu vél og forsetinn Joe Biden ráku þeir auga í nafnið Beau Biden. Þá lá ljóst fyrir að litli drengurinn hafði fengið nafn föðurbróður síns.
Þetta er ekki í fyrsta skipti sem Hunter nefnir börn sín eftir látnum systkinum sínum. Elsta dóttir hans heitir Naomi, eftir systur hans sem lést í bílslsysinu sem hann, móðir hans og Beau eldri lentu í fyrir jólin 1972.
Naomi Christina var aðeins eins árs þegar hún og móðir hennar, Neilia Hunter Biden, létust í bílslysinu.