Óskarsverðlaunaleikkonan Kate Winslet á þrjú börn, eina stelpu og tvo stráka. Yngsta barn hennar, hinn sjö ára gamli Bear, vill feta í fótspor móður sinnar og verða leikkona. Winslet greindi frá áformum sonar síns í þætti Jimmy Kimmel á dögunum.
„Mamma ég er með játningu,“ sagði sonur Winslet mjög alvarlegur. Winslet fannst hann dramatískur þegar hann sagðist bara ætla að segja það sem bjó inni í honum. „Ég vil verða leikkona.“
Winslet fór að hlæja að syni sínum sem fannst ekkert fyndið við játningu sína. „Þetta er ekkert fyndið. Ég vil verða leikkona,“ endurtók sonur hennar.
Í spilaranum hér að neðan má sjá viðtalið við Winslet.