Gabríella, sex ára dóttir Alberts Mónakóprins og Charlene prinsessu, vakti mikla athygli á dögunum við opinbera athöfn fyrir að klæðast hátískufötum frá toppi til táar.
Tískumerkið franska Dior varð fyrir valinu að þessu sinni. Gabríella var í ljósbleikri dragt úr ull og kasmír og með forláta hvíta leðurtösku sem kostar ekki undir hálfri milljón íslenskra króna. Loks var hún í sportlegum Dior-strigaskóm.
Sjálf var Charlene prinsessa í kápu frá AKRIS og með perlueyrnalokka frá Cartier.