Hin sjö ára gamla Cricket, dóttir leikkonunnar Busy Philipps, var í sinni fyrstu klippingu á dögunum. Móðir hennar fagnaði ákaflega og skrásetti allt ferlið á Instagram.
„Það gerðist loksins! Eftir sjö ár og átta mánuði vildi Cricket loksins fara í klippingu. Sem betur fer var Kiki hér í New York til að vinna með mér á morgun og gat gefið Cricket draumaklippinguna sína,“ skrifaði Philipps.
Cricket litla virtist hæstánægð meðan á klippingunni stóð og ánægð með afraksturinn, en hún var komin með mjög sítt hár.