Ofurfyrirsætan Emily Ratajkowski og eiginmaður hennar, kvikmyndaframleiðandinn Sebastian Bears-McClard, eignuðust sitt fyrsta barn hinn 8. mars. Ratajkowski greindi frá komu barnsins á samfélagsmiðlum.
Barnið fékk nafnið Sylvester Apollo Bear og er greinilega kallað Sly. Ratajkowski lýsir morgninum sem barnið kom í heiminn sem súrrealískum, fallegum og fullum af ást. Hún birti mynd af sér gefa ungbarninu brjóst.
Þegar Ratajkowski greindi frá óléttunni sagðist hún ekki vilja segja frá kyni barnsins. „Við segjum fólki að við munum ekki vita kyn barns okkar fyrr en það er 18 ára og þá muni það segja okkur það,“ sagði Ratajkowski í pistli á vef Vogue.