Dóttir bresku glamúrfyrirsætunnar Katie Price er farin að sækjast mjög eftir því að líkjast móður sinni. Princess er þrettán ára og strax orðin mjög vinsæl á samfélagsmiðlum á borð við TikTok og Instagram.
Price hefur lengi mátt þola gagnrýni fyrir að mála dætur sínar og gera þær fullorðinslegri en þær eru. Peter Andre, faðir Princess, er sagður mjög óhress með tilburði móður hennar en hann vill alls ekki að Princess feti í fótspor móðurinnar.
Sjálf hefur Katie Price margoft lagst undir hnífinn til þess að láta „lagfæra“ útlit sitt.