Barnabarn Elísabetar eignaðist dreng
Setja bókamerki
Zara Tindall, næstelsta ömmubarn Elísabetar Bretadrottningar, eignaðist sitt þriðja barn með eiginmanni sínum Mike Tindall á sunnudaginn. Lítill drengur kom í heiminn á heimili þeirra en fyrir eiga hjónin tvær dætur.
„Zara og Mike Tindall eru glöð að tilkynna fæðingu þriðja barns síns, Lúkasar Filippusar Tindalls,“ sagði talsmaður hjónanna að því er fram kemur á vef Hello.
Zara Tindall er dóttir Önnu prinsessu, sem er eina dóttir Elísabetar drottningar. Hún er gift Mike Tindall sem er fyrrverandi rúbbíleikmaður. Tindall-hjónin gengu í hjónaband árið 2011 og eiga dæturnar Miu sem er sjö ára og Lenu sem verður þriggja ára í júní. Zara missti tvisvar fóstur áður en yngri dóttir þeirra kom í heiminn.
Ættleggur Elísabetar stækkar ört. Ekki er langt síðan Eugenie prinsessa eignaðist sitt fyrsta barn auk þess sem Harry og Meghan eiga von á öðru barni sínu í sumar.
„Mér finnst Halla Hrund svona Vigdísarleg“
Baldur: „Ég ætla að svara þessu kalli“
Segir nýtt frumvarp gefa eldisfyrirtækjum auðlindir
/frimg/1/48/63/1486389.jpg)
Halla ekki verið að taka harða afstöðu
Átta morðmál á aðeins tólf mánuðum
„Við erum ekki að refsa fólki fyrir að vinna“
Búið að bólusetja börn alla helgina
Tæknideild komin norður vegna andlátsins