Óskarsverðlaunaleikkonan Emma Stone eignaðist sitt fyrsta barn hinn 13. mars með Saturday Night Live-leikstjóranum David McCary. Hjónin hafa ekki sjálf greint frá komu barnsins en slúðurmiðillinn TMZ greinir frá fæðingunni. Ekki er vitað hvort hjónin eignuðust dreng eða stúlku.
Stone reynir að halda sig utan sviðsljóssins þegar hún er ekki að sinna starfi sínu og er ekki á samfélagsmiðlum. Ólíkt mörgum stjörnum greindu því hjónin hvorki frá fæðingunni né meðgöngunni á samfélagsmiðlum. Fréttir af væntanlegum erfingja bárust fyrst í byrjun árs.
Hjónin byrjuðu saman árið 2017. Fréttir af hjónabandi Stone og McCarys voru staðfestar í september en hjónin trúlofuðu sig í desember 2019.