Tónlistarmaðurinn Jason Derulo og kærasta hans Jena Frumes eiga von á sínu fyrsta barni saman. Parið byrjaði að stinga saman nefjum rétt áður en heimsfaraldur skall á og hafa þau því aðeins verið saman í rúmt ár.
„Gæti ekki verið spenntari fyrir þessum nýja kafla í lífi okkar,“ skrifaði Derulo við myndband af sér og Frumes þar sem þau tilkynntu komu væntanlegs erfingja.