Stjörnubarnið Suri Cruise, dóttir leikarahjónanna fyrrverandi Katie Holmes og Tom Cruise, varð 15 ára á sunnudaginn. Holmes, sem reynir að vernda dóttur sína fyrir kastljósi fjölmiðla, birti myndir af henni í tilefni afmælisins.
„Til hamingju með afmælið elskan! Ég elska þig,“ skrifaði Holmes við gamlar myndir sem hún birti á Instagram. „Ég trúi því ekki að þú sért orðin 15!“
Holmes er með forræði yfir Suri. Tom Cruise er ekki á samfélagsmiðlum og ekki vitað hvernig hann fagnaði fæðingardegi dóttur sinnar. Holmes og Cruise byrjuðu saman í apríl 2005. Sjö vikum seinna trúlofuðu þau sig. Ári eftir fyrsta stefnumót þeirra kom Suri í heiminn.
Suri Cruise fagnaði afmæli sínu með nokkrum vinum í New York að því er fram kemur á vef Page Six. Hún sást gæða sér á ís með vinkonum og tók sjálfur. Suri var í gallabuxum, stuttum jakka og magabol og minnti óneitanlega á móður sína þegar hún lék í unglingaþáttunum Dawson's Creek.