Bandaríska raunveruleikaþáttastjarnan Jill Duggar Dillard gaf hundinum sínum afgangsbrjóstamjólk. Duggar Dillard á tvo syni og eru þeir báðir hættir á brjósti en hún átti enn brjóstamjólk í frystinum.
Synir Duggar Dillard hættu á brjósti þegar þeir voru um tveggja ára. Yngri sonurinn er þriggja að verða fjögurra ára og bað um að smakka brjóstamjólkina úr frystinum. Duggar Dillard segir frá því á Instagram að hún hafi leyft syninum að smakka en eins og hún átti von á fannst honum mjólkin ekki góð. Hún ákvað því að gefa hundinum mjólkina.
Dillard er best þekkt fyrir að koma fram í raunveruleikaþáttunum 19 Kids and Counting ásamt fjölskyldu sinni. Faðir hennar er stjórnmálamaðurinn Jim Bob Duggar. Duggar og eiginkona hans eiga 19 börn og er Dillard sú þriðja í röðinni. Hún hefur áður skrifað bók um hvernig var að alast upp í svo stórri fjölskyldu.