Hollenski ökuþórinn og fyrrverandi piparsveinninn Arie Luyendyk og eiginkona hans Lauren Burnham eignuðust tvíbura um helgina á Havaí en þau tilkynntu það á Instastory. Parið sem kynntist í raunveruleikaþættinum The Bachelor gifti sig árið 2019 en fyrir eiga hjónin dótturina Alessi sem er tveggja ára. Parið dvaldi hér í nokkra daga árið 2018.
Hjónin skrifuðu í Instastory: „Mamma og börnin hafa það frábært og allt gekk vel. Við njótum þess núna að verja tíma saman og varðveita augnablikið, takk fyrir stuðninginn.“
Hjónin hafa ekki enn birt myndir af tvíburunum en þau deildu mynd af sér saman frá fæðingardeildinni þar sem þau virðast vera í skýjunum eftir fæðinguna. Tvíburarnir eiga svo sitt eigið Instagram þar sem hægt er að fylgjast með framhaldinu.